كيف تسرق غرفة في بيتكم ؟

من الذاكرة

كيف تسرق غرفة في بيتكم ؟

طبعا أمزح معاكم الموضوع ما هو عن السرقة بس ممكن يكون له جانب سرقة بعض الأحيان ..
المهم موضوعي هذا في بالي من مدة انزله لكم

قبل مدة اتصل بي أخوي الى اكبر مني وطلب مني اساعدة في فتح باب
غرفه أخوي الكبير .. لان أخوي الكبير مسافر وقتها وأخوي الثاني محتاج
اغراض من غرفه أخوي فما كان فيه حل الا انه يفتح باب الغرفه لكن كيف ؟

اخوي كان يبغاني اساعدة في كسر قفل الباب .. فلما وصلت عنده
قلت له لا تستعجل أصبر انا اعرف طريقه احسن واحترافيه
بقق عيونه فيني شوي وقالي ليش الاخ حرامي ؟؟؟!! ضحكت وقلت له لالا
بس طريقه بتعجبك اصبر بس .. ورحت وجبت دريل وريشه حفر حديد
وبدات العمل .. في وقتها كان في بالي اصور العمليه لكم بالخطوات
لكن خذلتني الكاميرا الخاصه فيني بان الشحن فاضي فقلت اصوره لكم بعدين بالجوال  ..
يله شرايكم تتعرفون على خطوات هذى العملية

اول شي اذا عندكم غرفه في البيت مقفله يا بزر قفلها يا ضايع مفتاحها المهم
لاي سبب من الاسباب عندي لكم هذا الحل  ...

الاشياء الى نحتاج لها ..
1- دريل حفر .. ولا اعتقد ان فيه بيت يخلو منه
2- ريشه حفر حديد مقاس 6 ملم

نجي للتطبيق ..

اول شي هذا شكل قفل الباب غالبا داخل المنازل
وانا هنا اتكلم عن هذا النوع من الاقفال ..

راح نبدا الحفر في منطقه الوسط الى تكون فيها شفرات التقفيل
مثل ماهو محدد في هذى الصوره تابعو معي ..

اعتقد واضحه المنقطه الان الى راح نحفر فيها بالدريل ..
واهم شي تنتبه انك تكون تحفر في الوسط
والحفر يكون بشكل خفيف .. ولاحظ انك كل ما تعمقت شوي راح تسمع
صوت طقه .. وهذا بيدلل لك على عدد الشفرات الى تخطيتها
في كل مره تسمع الصوت وقف الحفر وابد نظف الفتحه
من برادت الحديد الى بتكون تجمعت داخلها .. استمر الين تكون سمعت 5 طقات

بيصبح الشكل بعد الحفر بهذا الوضع .. تابع الصوره معي

تمام الآن نكون انهينا 95% من العمليه بنجاح
الان جب اي مفتاح عندك مقارب في شكله لمفتاح القفل الاصلي
واقصد مقارب له انه من نفس الفصيله دائري الراس مثلا  .. الى اخره
ودخله في القفل وافتح الباب .. وراح تجده يفتح معك زي الحلاوة
بعدها عاد تقدر تفك القفل وتغيره بواحد ثاني ويعتمد
اذا انت بخيل بتشتري قلب القفل ابو خمسه ريال واذا انت بتدلع نفسك 15 ريال

طبعا تبون تعرفون وش الى صار ؟
انا اقولكم اقلبو قلب القفل بعد مافكيتوه من الباب
وشف وش موجود فيه



هذى الدوائر الصغيره هي عبارة عن الشفرات او الاسنان الى ماتقبل
الا مفتاح الباب الاصلى لفتحه .. واحنا وش سوينا لها ؟.
كسرناها كلها من الداخل  فاي مفتاح صار يفتح لنا الباب

وبكذا انتهى الموضوع
بس هاه عاد مو بكره نلقاكم سارقين غرف ابوكم والا امكم
ترى مالي دخل انا هههههههه

اتمنى يكون الموضوع مفيد لحياتكم المستقبليه بشكل عام
لكم تحياتي

شخصي

رابط الصفحة : www.From-Memory.com/articles.php?id=43