كل عام وانتم بخير

من الذاكرة

-

أولاً أهني الجميع والأمه الإسلامية بحلول عيد الأضحي المبارك .. الله يعيده علي الجميع بالخير  يارب ... العام المنصرم > حلوه المنصرم , كان لي موضوع وتعييد عليكم بنفس هذا اليوم وبنفس التاريخ وكنت اتكلم معاكم فيه عن طعم العيد وحلاوته وكيف انه انفقد الآن وصار ماله طعم, وكنت ذكرت في الموضوع أهمية تعليم الأساسيات للأبناء على الاقل لو مره وحده ياخذ من خلالها خبره.

اما هذا العيد كان مختلف نوعاً ما بالنسبة لنا, بما ان المذر حقتنا رايحه تحج الله يتقبل منها ويردها لنا بالسلامه يارب, فكانت الخطة خمسية اشترينا الأضاحي صبح العيد وعلى المسلخ مباشرة, لكن تعرفون البثاره لا بد منها شوي عاد, كانت البداية بربطه الراس هذى

وبعدها فضاوه تحتري الأضاحي تخلص, ونفس المشكلة الوصايا ذى تلعب فيك وانا اقول للوالد الله يعظم اجرك بس لوه انا انهبلت, كلعاده يذبحون عن آدم .. الله يقبلها بس.

وهذى مقتطفات من المجزرة الله يكفينا الشر, جعلهم مايتولونك بس.

اما حبيبي الى ماخذن ذا الضحية ملعوبن عليه بقوة, ملاحظين ؟ سلق مهيب ضحيه ههههههه الله يكفل ضعفة بس.

طبعا هذى المجزره في المسلخ, ويقالك اننا هلعيد بنريح اثاري الوالد الله يحفظه موبد النيه لنا يوم رجعنا وتمسك معه الا نجلس عليها ونقطعها ونزبطها يالحبيب يهديك يرضيك قال ابد مافيه , والفيميل تعرفون عاد ياي مايحبون ريحه اللحم > الله يذكر بعض الناس بالخير بس ههههه .

المهم جلسنا عليها فترة من الوقت لين تقطعت يديني وعظلاتي من الساطور كني قصاب قسم بالله حاله, بس الصدق اني تعلمت شي جديد هلمره اول ماكنت اعرف له ههههه منيب قايلن لكم وشو @_@.

وهذا موضوعنا حق العام للي ماقراه :
http://www.from-memory.com/articles.php?id=188

كل عام وانتم بخير يارب ...
أخوكم من الذاكرة

شخصي

رابط الصفحة : www.From-Memory.com/articles.php?id=235