فهاوه مستمره

من الذاكرة

-

مرحبتين بالجميع ايع ايع >> يعني صدى
قبل فتره وصلتني رساله على البريد الاليكتروني وكان يطلب صاحبها
اني اكتب عن بعض المواقف الشخصيه .. وانا متاكد اني اعرفه لانه ذكر مثال على موقف صاير لي .. بس مييييييين هو بجلده ان عرفته هههههه

المهم ابكتب علشان لا يزعل يقول مطنشنا ذا .. عن مواقف والله يعيني عليكم
وبالذات على بنت نجد عياره نمبر ون ..المهم ابذكر لكم ثلاث مواقف سخيفه صارت معي .. وترفع ضغطي بس الشكوى لله ...

الموقف الاول
في مواقف سوق .. كنت مسوي الولد اللطيف مودي اهله للسوق >> ياواد انتا ياحنين .. المهم هلكلام اول العصر ومواقف السوق كبيييييييييييييررررره .. وواصلو قولو كبييييررررره .. وقفت ونزلنا .. المهم تسوقنا وتسوقو الاهل وخلصنا على بعد العشاء .. يوم جينا طالعين قلت بقرب لهم السياره .. كمااااااااااااان حنين للحين .. شوي اطالع ؟؟!!! ياهوه ؟؟ وين انا واقف ؟؟ المواقف كلها مليانه ؟؟ من وين دخلنا ؟؟ وابلش ادور السياره واجلس الف المواقف سايد سايد والتلفت كني مهبول ادور يمين يسار .. نمله صارت مهيب سياره جالسن ادور عليها ... واخييييييييييرا لقيتها .. طبعا طلعت حرتي فيهم كللللللللللللللله منكم ما تنتبهون وينا داخلينن معه جعلكم منيب قايل هههههههههههه ماله دخل ..

الموقف الثاني
الصباح ومستعجل بروح العمل متاخر كلعاده تعرفون النوم سلطان .. المهم لا يكثر بس .. صاحي وعندي عادة الصبح لازم اشرب شي صخووون شاي قهوه حليب نسكافيه .. احم احم اما نسكافيه حسسسيت اني مقطوعن سري في ملقا مثل بعض الناس هههههههه ... يا ... غمضو يله مالكم دخل ملااااااقيف هههه
المهم واروح واجي والبس بسرعه وصلح لي كوبايه شاي على الطاير والبس ثوبك وشماغك معفوس على راسك وياله حاله .. واركب السياره حتى ما فيه تسخين على طول عن بيييب عن عن على العمل طياره .. يوم وصلت وانزل بسرعه مع الدرج اسرع من المصعد .. والاني يوم وصلت اللهث .. وتوني ابوقع حضور الا اطالع رجولي .. رجل جزمه لون والثانيه دس شياب لون ثاني .. قلت هلا والله واديور طااااير للبيت اغيرها .. وثبت شرعا علي اني متاخر طبعا .. شي مقرف ..

الموقف الثالث ..
مره كنت مستعجل بروح المكتب بقابل رجال في شغل .. المهم الواحد لا صار عجل ينسى عمره .. وعن بيب وصلت ونزلت المكتب وقابلت الرجال وانتهى فيني الموضوع بسلام .. يوم جيت بطلع ادور مفتاح السياره يالحبيب يالطيب وين المفتاح ياهوه يمكن على المكتب لا يمكني تركته هنا .. لالا يمكني ناسيه في البيت ... يوه لا ياخبل شلون ناسيه وانت جاي بالسياره .. امممم لالا اكيد اني نسيت وقفلت عليه السياره يا الله لازم اروح واكسر قزاز وخرابيط ماعندي سبير له ... وش اسوي ياربي .. يله بس خذ معلاق جرب تفتح الباب بس شلون ينفتح ماله مساكه تسحبها معه .. يا الله وش ذا الورطه وجالس افكر ساعه في المكتب اخيراً قررت اروح للسيارة اشوف وش بسوي .. يوم جيتها الا هي شغاله نازل وناسي السيارة شغاله والانوار وكل شي .. ابوك يالتنح ياشيخ زين ما انسرقت هههههههه


شخصي

رابط الصفحة : www.From-Memory.com/articles.php?id=196