مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

الرجل الذي ينظر إلى زوجته وهي تلبس ملابسها وتتبرج : إما ان يكون فيلسوفاً وإما أن يكون أبلهاً


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 362273
   عدد المقالات المنشورة : 229
   عدد الأقسام المفتوحة :8


 
 

من الذاكرة

19/3/1427

دعوة لقراءة المقال

نسخة لطباعة المقال


درجة البكالوريس - يوم خريج


درجة البكالوريس

بدخل في الموضوع على طول .. يقولون للتخرج فرحه
واليوم هو يوم تخريج الدفعه .. وان كنت من دفعات سابقه
الا ان التخرج له فرحه فعلاً زي مايقولون ولكنها عندي
يمكن تكون مختلفه .. كيف ما ادري .. صحيح انه باقي شوي
لكن يمكن فرحتي جايه بفرح ناس غالين علي ..
فرحتهم هي مصدر فرحتي .. شي غريب لكن فعلا هذا الى حاصل

طبعا كيف ومتي وليش .. كل هذا ما ادري هو جاء الموضوع كذا
اليوم قبل صلاة الظهر اتصل علي أحد الدكاتره وانا في العمل
وقالي اذا امكن تجي للجامعه تاخذ بشت واوراق تمهيد للتخرج
قلت له كيف ؟؟؟ قال هذا هو تعال ..
قلت للدكتور طيب والعمل و و و كلمات كثيره ..
قال مافيه لا تتعذر لازم تجي انت اول واحد .. قلت له سم
انطلقت للجامعه وخذت الاوراق والاشياء المطلوبه
وكل ما كنت اتمناه اني .. اعطي خبر بهذا الشي
ابي لحظات بس .. اخبر فيها الغالين ..
لكن للاسف الوقت ضيق ومزحوم ماقدرت ..
الا بعد ماطلعت من العمل .. فعلا هو اول شي سويته
لاني احس فرحتي في هذا الشي من فرحتهم لي ..
فهم اول ناس لازم اقولهم ..

طبعا بما اني احب امزح .. قلت بلبسه بعدها وادخل على الوالده
اقصد البشت طبعا .. دخلت عليها وهي جالسه تتقهوى  قامت تطالع
@_@ مبققه عيونها ماتدري وش عنده ذا من ذا الى لابس بشت؟
شوي قالت لي فلان ؟ قلت ايه
قالت وش عندك وانا امك ؟
قلت طالعي طيب !! قالت وش اطالع
وهي لحظات وتنتبه لشعار الجامعه على البشت وفهمت
على طول طقتها بكوه الله لا يوريكم ابتلشت اسكت فيها
طبعا بكاء فرح .. الله يحفظها ويحفظ لكم غاليكم يارب ..

طبعا بشتهم زي وجيهم .. ويوم سلموني اياه قلت يصلح
البس بشتي الخاص ؟ قالو لا لازم بشتنا علشان شعارهم
مالت عليهم .. لكن يله مشيت اموري فيه ومشى الحال
المهم .. بوريكم صوره البشت ..

وهذى صوره لي مع الخريجين .. بس لو سمحتو لا تحاولون
تقزون فيها واجد .. شوفوها من بعيد هههههههه

لكم تحياتي ,,
اخوكم من الذاكرة

مصدر الموضوع : شخصي



أنثي المحاااااااال       87


السلام عليكم ورحمة الله وبركاتة
الف الف الف مبررررووووووووووك على البشت
وتعتبر هذة من أسعد الحظات عندما يري الانسان نتيجة
حصادي سنييين طويلة من الدراسة واكرر واقول
مبروك وعقبالة الدكتوارة


Re: رد على التعليق :

الله يبارك فيك .. اختي انثى ..
هو الى الان باقي حبتين .. بس هذا وقت التخرج
فعلا هي لحظات جميله .. واجمل مافيها ماذكرته
سعادة شخص غالي معي فيها ..
لك تحياتي
شاكر لك .. عقبال الجميع يارب


لين       88


الف مبروك
إذن لامذاكرة
لا إختبارات اشوف الريجيل يلبسون بشوتهم اذا
1- تخرجوا 2- في الأعياد والإحتفالات 3- إذا
تزوجوا الوالدة موقفها مؤثر فعلا اغلى ناس عند المرأة
عيالها وبناتها لاأدري ايش راح تسوي اذا انت تزوجت سيكون تأثرها
كبير للغاية وإن كان الانسان وقتها يقول لأمه أنا مثل مانا مافقدتيني
في الأوقات المفرحة والتي توثقها الصورة أقترح
عليك تحتفظ بالصور العزيزة والمهمة في البومات ضخمة الحجم عائلية جميلة الشكل تكون فيها
والأشخاص المقربين والعزيزين من أفراد الأسرة مثل الأم 00
وكذالك الأسرة المستقبلية
من الكتاكيت وأم الكتاكيت
واللحظات الفرحة معهم
مع أطيب تحياتي وأصدق التمنيات بنجاحات متتالية
في مسارات الحياة المختلفة ان شاء الله


Re: رد على التعليق :

الله يبارك فيك أختي لين
شاكر لك .. كل شي جميل بوجود من هو اجمل في هذه الحياة
لك خالص تحياتي
متمني للجميع التوفيق


بنت نجد       90


الله الله الله
الف مبرووووووووووووووك
اروع لحظة هي اللحظة اللي تحس انك وصلت لاخر الطريق
ومابقي الا فتح الباب
تدري
نفسي اعيش شعورك الحين اكيد حلو
الله يخليك لعين ترجيك
خبر حلو بالمرة
موفق يااارب


Re: رد على التعليق :

الله يبارك فيك اختي بنت نجد ..
ياحيا الله هلطله الحلوه ..
لحظات حلوه صحيح في الحياة ..
وجربي تعيشينها او تعيدينها اذا كانت عدت
ما باقي غير بعض الاماني تتحقق
واظنها الفرحه الحقيقيه فعلاً
لك تحياتي وشاكر لك مرورك الكريم


حنونه       94


فدييييييييييييييت يالي تخرج
يا ربي احلى خبر سمعته لاخوي الغالي
الف الف مبروك التخرج
وربي يحفظك من كل شر ويخلي لك الوالده
وربي من فرحتي مدري شقول
احس اني انا يالي تخرجت
مبروك اخوي الكبير من الذاكره وان شاء لله ربي يوفقك بمجالك


Re: رد على التعليق :

الله يبارك فيك اختي حنونه ..
شاكر لك عزيزتي .. والحمد لله رب العالمين
الله يعدي الباقي على خير ..
رغم اني اظن او متاكد بأن فرحتي قتلت وجرحت
لخبر سمعته ..
الله يوفقك الجميع يارب .. لك جل تحياتي


فيصل       109


ماشالله تبارك ماشالله
والله مبروووووووووك أخوي
وماشالله طالع شخصية بالبشت وبصراحة قزيت في الصورة
واناظر أقلب وأقلب وللاسف ماطلعت بنتيجة شفت كيف
بامناسبة حفلة تخرجي الأربعاء القادم بحول الله تعالى
والحمدلله على كل حال فايريت تشرفونا في الجامعة
(والله يمون)
عقبال الماستر والدكتوراة والله أخوي
في رعاية الله


Re: رد على التعليق :

هلا والله وغلا اخوي فيصل ..
ياحيا الله هلطله الحلوه ياعسل ..
والف الف الف الففففففففف مبروك التخرج
هاه لا تحرمنا عاد تراني ناوي اقز قززز
اممممم الاربعاء القادم .. يعني يوم الخميس تلقاني مسنتر في المدونه انتظر الصور هههههه
يسلمو والله ياغالي .. لا عدمناك..
وعقبال المراتب العليا يارب ..


faisal@faisal.cc

أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات