مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

الإنسان هو الحيوان الوحيد الذي يخجل: لأنه الوحيد الذي يفعل مايخجل


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 362277
   عدد المقالات المنشورة : 229
   عدد الأقسام المفتوحة :8


 
 

من الذاكرة

10/2/1427

دعوة لقراءة المقال

نسخة لطباعة المقال


وضااااااااعت الصلاة


وضااااااااعت الصلاة

منذو مبطي ما كتبت صراحه في راسي شغلات كثيره لكن مدري
كل ما جيت اكتب احس ما لي خلق اكتب ليش مدري ..
المهم اليوم بحكي لكم سالفتي في المسجد الله لا يعيده من هندي
اقولكم اليوم طلعت من المكتب كلعادة اصلى المغرب والعشاء وبعدها
ارجع للبيت .. المهم وانا رايح اصلى العشاء تعرفون يوم سبت الواحد
للحين ريحته تعج بخور وفله بعد يوم الجمعه وش زينه كاشخ بنفسه
المهم وجلست تسننت وجلست اقراء قرآن لين يقيم الصلاة ويوم اقام الامام
الا ذاك الادامي الى دخل بيني وبين الى جنبي والله الى كان جنبي وش حليله
مامنه خلاف الا ذا العله ناشب بينا اول ماهي قلت يله بيسد الفرج على قولتهم
كبر الامام وكبرنا الا يا عالم خياااااااااااااس شي يكتم لا انا ولا بخوري ولا طيبي
نافع معه بشي خياااااااااااااااااااااااااس بمعنى كلمه خياس .. لدرجه ان كبدى قامت
تحوم تلعب ياما رقت يا ما نزلت واكحكح صعبه في المسجد تسوي شي كذا .. مستحيل
وقلبت الصلاه مشروع تدريب غوص .. تسحب نفس وتكتمه ما تبي تتنفس شي جراثيم
تحس في الهواء تتطاير .. المهم والله اني اروكع مع الامام لا قريت شي ولا عرفت اصلى
لا حمد ولا ماتيسر من القرآن ولا سمع الله لمن حمده ولا شييييييييييي خير شر .. صوره
ياما ركعت ياما سجدت الين سلم الامام واول ما سلم وانقز تقول مطيور رحت صليت مع
جماعه بتصلى باخر المسجد فايتتها الصلاه ..
وبصراحه ما خفيكم سر استغفر الله بس
انتي تمنيت ان ذا الهندي مسيحي ولا يصلى ابد جعله حطبه من حطب جهنم بكيفه
بس لا يصلي بالطريقه ذى لانه ياذى المسلمين قسم بالله .. واستغرب هلشي
من بعض الناس .. لما يجي يصلى تلقاه باسوء منظر لا لبس زين ولا يهتم
بشكله ولا شي .. سبحان الله العظيم هذا وهو بيقابل رب العالمين سبحانه
مع انه لو بيطلع مع ربعه والا بيروح لعزيمه لقيتاه متكلف بعمره ماودك الا
تقوله ارفق على عمرك لا تتقطع يا لحبيب ..
اتمنى فعلاً ان يهتمون الناس بموضوع الصلاه ويهتمون بمظهرهم وشكلهم
وقت يبون يروحون يصلون ويقابلون رب العالمين مو واحد تلقاه بقميص نوم
والثاني ببجامه والثالث مدري وش لابس .. المفروض انك تكون بمظهر يليق
بمثل هذا الموقف .. وانك تحرص على انك ما تاذي المسلمين في صلاتك سوى
في ريحتك او في عبثك في الصلاه او بعضهم الى يجيب عياله ويقلبونها مطارد
قدام المصلين وعذرهم انه يعودهم على المسجد والصلاه لا ابد ياخوي مهوب عذر ذا
خلهم ينطقون في البيت ويصلونها هناك دربهم لين يبلغون سن سبع سنين
ذيك الساعه جبهم معك والا ربهم قبل لا تجيبهم يشغلون المصلين ..
بس هذا كل الى عندي اليوم .. قاهرني ذا الهندي لو القاه توطيت في بطنه
بس ياله عسى ما يطيح في يدي بسسسسس ..
تحياتي لكم

مصدر الموضوع : شخصي



نــــوره       282


السلام عليكم ورحمة الله وبركاتة
أحب أشكرك على مدونتك الراقية وعلى مضمون الجميل
الذي يسكن جنبات أركان مدونتك
أما بالنسبة للموضوع بصراحة محزن وفي نفس الوقت مضحك
محزن أن نجد أشخاص بمثل ذلك الهندى أو غيرة
حينما يأتي للصلاة وكأنة مغصوب عليها والعياذ بالله
فتجدينبعث من جسدة راحة لا تطاق أو يأتي بمظهر غير لائق كبجامة النوم وتنسوا للأسف أنهم ذاهبون ليقابلوا رب العالمين الذي أحاطنا بالنعم الكثير لابداعلينا كمسلمين الألتزام باداب المسجد
1- النظافة الشخصية وتشمل الملابس وغيرها0
2- الألتزام بالهدوء وأحترام حرمة المكان0
3- عدم الحضور الأطفال الصغار إلى المسجد إلا بعد أن يشعر الأب أو الام أن طفلهم لن يسبب إي أذي للأخرين0
ما أقدر أقول غير الله يهدي هؤلاء المسلمين وأن يكون
عندهم وعي ديني أكثر من ذلك
أتمني منك الأستمرار في الكتابة مثل تلك المواضيع التي ذات مضمون هادف
دمت بخير وعافية

أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات