مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

الزوج المثالي: رجل كريم ، شهم ، رقيق ، متسامح ، وفيّ ، بعيد النظر ، لاوجود له


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 368218
   عدد المقالات المنشورة : 229
   عدد الأقسام المفتوحة :8


 
 

من الذاكرة

10/2/1427

دعوة لقراءة المقال

نسخة لطباعة المقال


وش يصير اذا سهرت يومين متواصله


وش يصير اذا سهرت يومين متواصله

هذا ياطويلين العمر والسلامه مره من المرارير .. كلعادة متعود على السهر للاسف
عادة سيئه احاول اتخلص منها .. لكن بغنى يالليل مطولك الى وقت اجل ..

المهم اني ذاك اليوم مواصل يومين ومعي واحد من الشباب ايام دراسه
وبنروح الكليه وجانا واحد من الشباب في البيت قبل نطلع وشافنا سهرانين
قال بروح بسيارتي بمعنى > ماعندي استعداد اخاطر بحياتي معاكم في الطريق
المهم قلنا له اوكي وطلعنا متوجهيه للكليه مادري وش مسكها على دراسه ذاك اليوم
المهم اننا انطلقنا للكليه الله لايعيدها وبحمد لله وصلنا لها وخلصنا شغلنا وطلعنا
راجعين للبيت للحين ماطاح الى في روسنا .. وحنا في الطريق وخوينا يمشي
بسيارته ورانا الا ما تسمع الا دف طنق بوووففف والسياره صارت سفينه > انفقع الكفر
يعني انفجر الكفر والكفر هو اطار السياره> هههههه مسوى مثقف الولد
وقفنا على جنب طبعا الى يسوق صاحبي انا مرافق كبتن طيران اول يعني مرتز
جنبه ادربي راسي .. قدر يسيطر على السياره ووقفنا على جنب ونزلنا نشوف
يووووووووه الكفر انفجر يازقتين وش السواه الحين .. افتح الشنطه ياولد نغيره
وفتحنا الشنطه ندور استبنه (كفر سبير) مالقينا الا جنط بدون كفر .. يعني ابلش صدق
دقينا على خوينا وقلنا له حنا انفجر علينا اذا مريت الحين انتبه لنا حنا في المكان الفلاني
وقف علشان نركب معك .. ويوم انه جانا خذنا الستبنه الخربانه وركبنا معه وانطلقنا
لاقرب محطه نشتري كفر نركبه على الجنط ونبدله بالى انفجر علينا .. وطبعا
لك ان تتخيل وجيهنا كيف صايره من السهر .. يعني الى يشوفنا على اقل تقدير
ناخذ ست شهور سجن بس من الشكل قبل مايحقق معنا ههههههههه
المراد اننا صلحنا الفكر ورجعنا وحنا راجعين الا سيارة دوريه (شرطه) واقفه
وراء سيارتنا والعسكري نازل يدور عليها .. وقفنا وقلنا له خير عسى ماشر ؟
قال سيارتكم ؟ قلنا ايه سيارتنا وحنا طاقتنا ام الركب مع اننا ماسوينا شي
بس اشكالنا شبهه وجيهنا ماتوحي باننا صاحين .. قالنا لا بس شفتها واقفه
قلت اشوف عليها بلاغ شي مطلوبه شي لان وقفتها مو تمام .. قلنا لا توه انفجر
علينا الفكر ورحنا بس نصلحه وجينا قال طيب وراح ركب سيارته وجلس فيها
يحوس في جهازه .. حنا قلنا اخلص ياولد خلص الامور ونجيب مفك العجل وفك
ماتفك وارفع السياره ماترفع وشلنا الكفر وركبنا الثاني وحطينا الى شلناه بالشنطه
وركبنا نشغل بنمشي .. الا فيه صوت طق طق طق طق رجعنا وقفنا .. ونزلنا نشوف
وش ذا الصوت الا نكتشف اننا غيرنا كفر ثاني غير الى منفجر من اللخمه ههههههههه
راعي الدوريه لاهي بجهازه للحين .. بس يطالع كل شوي .. طبعا نزلنا بسرعه وفتحنا
الشنطه وغيرنا الكفر باسرع مايمكن تقول زي حقين الراليات ونغير الكفر وندعس ..
الا راعي الدوريه يلحقنا ويوقفنا .. قلنا له خير فيه شي ؟
قال انتم تو مو غيرتو الكفر ؟
قلنا له الا
قال بعدين رجعتو غيرتو كفر ثاني شلون ؟؟
قلنا له لا بس الكفر الى ركبناه كان ممسوح شوي
قلنا نبدله مع الى وراء لانه جديد علشان الفرامل ماتزحف السياره
قال ممكن بطاقاتكم ههههههههههههههه
عطيناه البطاقات طالع في الاسماء ماش مهوب مستوعب مهيب اسماء شبهه
قال لنا لحظه طيب وراح لجهازه وقام يخربط .. طبعا يدور فيه بلاغ شي
احد مطلوب احد مسوي جريه شي .. جلس يدنفس في سيارته شوي ورجع
لنا وقالنا انتبهو لنفسكم شكل وراكم بلا انتم .. قلنا له لا والله بس راجعين من
الكليه وكنا مواصلين وتعبانين علشان كذا وجيهنا كذا .. قام سوى فيها مصلح
وعطانا محاضره في مضار السهر خخخخخخخخخخخخ
وتوته بنوته وخلصت الحتوته

مصدر الموضوع : شخصي



لون المطر       273


سعد مساك ادري ان تعليقي متاخر بس بصره بعلق
المراد اننا صلحنا الفكر ورجعنا خخخخخخخخخ
ايوه يوم صلحتو الفكر وين رحتو
والله من قل النوم معا صرت تعرف تكتب اجل الكفر صار
الفكر خخخخخخخخخخ
واحمدو ربكم ما لقطتكم كاميره صحفي كان صوركم وحاط
صوركم بالجرايد معطينا ظهوركم وانتم مدنقين
وكاتبين المشبوهين او المهربين خخخخخخخخخ يا الله
سترك يالله
تحياتي


Re: رد على التعليق :

الله يكفينا شرك ..
كلهم رادين محد درى عني وش ذا الحقنه ياناس
وجع يوجع العدو .. لا تفضحينا عيب
ترى اعلم عليك ناس يجلدونك .. مافيه عاد
هههههههههههه
الله يسعد هلطله .. ابد حالف عشاك عندنا
وين هلغطسه بس .. اموت واعرف وش كنتي لا هيه به
شكلي بنجلد اليوم .. بس تراني اتوب والله هههههه
تسلمين على هلمرور


نسرين       294


مساء الخير
بصراحة الموضوع مرة مضحك وعجبني
وخصوصاً هذى الكلمة هذا ياطويلين العمر والسلامه مره
من المرارير عليكم كلام ياأهل نجد مر حلو
ترى في ناس أنتقلت لهم العدوة وصاروا يقولون كلام
مثلكم
ونصيحة صغيرة مني بسوي مثل شرطي
ترى السهر له عواقب وخيمة وأحمد الله أنة الموضوع
عدعلى كذة

يعيطك العافية


Re: رد على التعليق :

هههه الله يعافيك


عاشق السهر       2458


ياخي تصدق اذا مر يوم ماسهرت فيه احس انه ناقص خلاص تعودنا


Re: رد على التعليق :

من جد والله يستر


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات