مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

وإذا كانت النّفوسُ كِبَارا *** ‏ تعِبتْ في مرادِها الأجْسَامُ


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 375157
   عدد المقالات المنشورة : 229
   عدد الأقسام المفتوحة :8


 
 

من الذاكرة

10/2/1427

دعوة لقراءة المقال

نسخة لطباعة المقال


لكم اللحم ولي العظم


لكم اللحم ولي العظم

كثير منا سمع هذى الكلمه .. وخاصه الى في جيلي او من حولي وطالع
ودايم تصدر من الاهل .. على ابنائهم .. وبالذات في قضيه الدراسه الى
اننا وصلنا لمرحله لولا رحمه ربي كان تعقدنا نفسياً هذا انا ماكنا معقدين خلقه
طبعاً ثقافه مجتمع .. واحترام زايد عن حده لقضيه المدرسه والمعلم ..

وابقولكم كيف ان ثقافه المجتمع احيانا قد تكون هي السبب في ضياعنا
وكنت احكي مع احد الاشخاص عن هلموضوع وتذكرت هذى القصه الى صارت
معي ووعدته اني بكتبها في المدونه ..

قصتي مع هذى العبارة ( لكم اللحم ولي العظم)
كنت اسمع هذى العبارة في المرحله الابتدائيه وذقنا ويلاتها في المدرسة
ولما جت المرحلة المتوسطه وكنت اجلس مع الوالد الله يحفظه في مكتب
مدير المدرسة والوالد يتكلم مع المدير ويابوفلان ترى ذا حسبت ولدك ابد
لكم اللحم ولي العظم .. وانا اسمع هذى العبارة كش جسمي لاني عارف
وش الاشياء الى ابجنيها من وراها والمدير يتبسم ويرد على الوالد ابد
يابو فلان اعتبره ولدنا وحنا المسؤولين عنه .. لا تشيل همه بننتبه له
طبعا بننتبه له معناها بتشوف انوع الويلات والعذاب في المدرسه بتنفرش
لين تدوخ ومحد سائل فيك .. انا طلعت من المكتب حق المدير وقتها والوالد
يتكلم قالوا لين وين بتروح ؟؟؟؟؟؟
قلت هنا بشرب مويه واجي ..
قالو يله علشان تروح لفصلك
قلت لهم طيب ان شاء الله وراسك موطي للارض > حكم القوى
طبعاً رحت شربت مويه وراسي فيه استفهامات كثيره يطحن طحن
وش اسوي ياربي لازم اشوف لي حل .. اعلم امي يمكن تساعدني
بحكم ان الام اكثر حنيه على عيالها .. الا جاني الفرج واذا باب المدرسه
الداخلي وقدامه الباب الخارجي كلهم مفتوحين قدامي .. والحارس جالس
على كرسي في الشارع عند الباب .. قلت بس هي وما بدهاااااش اربط ثوبك
وهج .. وتحولت من ادمي الى سياره دفع رباعي واعض ثوبي واتلطم وامشي
مليون مع البابين الحارس ماحس الا برصاصه ماره من جنبه ويقوم ولد ياولد
ويلحقني وهي النحشه واروح للبيت .. بعد ساعه زمن الا الوالد جاي البيت يدور
اول ماشافني خير ليش تنحاش ؟ قلت شف مدرسه ماروح لو تموت مابي ادرس
قالي بتروح ورجلك فوق رقبتك .. قلت بتشوف والله ماروح لين تعدل ذا الكلمه
لاقيني في الشارع انت لكم لحم ولي عظم ؟؟؟؟؟؟؟؟؟؟؟؟؟؟
قالي بنت انت تخاف ؟
قلت له ماخاف بس كذا بنفرش على ادنات الدون .. ماعندهم الا انا
قال خلهم يربونك هذولي يعلمونك مصلحتك .. قلت طيب منيب رايح
قام بيفرشنى انحشت ههههههههه

اليوم الثاني الصبح .. قم المدرسه
قلت مانيب رايح .. سحبني من رقبتي قم واترك البربسه
قلت طيب وقمت طبعا خايف انفرش > الشكوى لله
حطني عند المدرسه وانا امشي هو عدى بس وانا الى اديور
وارجع البيت وامي تنهبل ان تبي ابوك يذبحك ؟
قلت ايه احسن قايله والله ماروح لو يموت ..
يبغاني اروح يغير كلمته ..
رجع منهبل يدورني من باب الشارع وهو ينادي ..
وهي النحشه زبنت في مكان سري عندي .. ماوله اطلع لين فقد الامل
ونام هههههههههه
اليوم الثالث اظاهر ان قناعاته تغيرت شوي وحس اني بهبل به ان
ماعدل كلامه .. وجاء الصبح وصحاني وجاء معي المدرسه ودخل للمدير
وقاله انتبهو له عاد لا اوصيك يابو فلان وان غلط لايضربه المدرس كلموني
اول ... قلت له ايه كذا زين هههههههههه

الفكره في الموقف كل ما اتذكره .. اقول لو الوالد راكبه معه غلط
وانا ماسكه معي غلط .. كان للحين ما معي الا ابتدائي مستحيل اكمل
بس زين انه صار عاقل وعدل مفهومه شوي ولو انه غصب عنه ..

مع العلم انه جداً طيب وحبيب .. ولا يقصد في هلعبارة هلشي ..
لكنها كانت ثقافه مجتمع .. خل الولد يتمرجل .. يعني هو مايتمرجل
الولد الا اذا لعنو خامسه من الضرب ؟؟!!

عاد كل ماذكرته بذا القصه او جاء لها مناسبه نموت ضحك
انا وهو على عباطتنا ويقولي زين احمد ربك اني ما ذبحتك
ههههههههههه

عاد اشوف عيال هليومين ميه وثمانين درجه عننا زمان
قوووة دلع وبرضو هلشي غلط .. يعني للحين مابعد وصلنا
لحل وسط في تعاملنا مع ذا القضيه ...

عاد بقولكم في موضوع ثاني يوم كبيت الزباله على المدير هههههه

مصدر الموضوع : شخصي



أنثي المحال       281


هذا المعتقد منتشر ولازال موجود وللاسف الشدييد
والله جالسة أقرا وانا ميتة من الضحك
شكلك من كنت صغير وشخصيتك قوية
ما اقول الا كيف المدرسة تحملت شقاؤتك
تحيتي لك


Re: رد على التعليق :

ههههههههههه
وش تبغوني اسوي .. والله ياكلون الزلط مدرسين زمان
قال تعليم وتربيه اجيال ..
والله هم على الاصابع تعدهم الى تذكرهم بالخير ولهم فايده
والباقين قسم بالله من جنبها همهم نهايه الشهر راتب ..
الا فيه مدرس دب احبه عاد كيفي #_# ههههه
بنجلد ياقدعااااااااان
يله يعطيك العافيه .. قولي ماشاء الله لا انجلد اليوم


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات