مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

وإذا كانت النّفوسُ كِبَارا *** ‏ تعِبتْ في مرادِها الأجْسَامُ


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 374022
   عدد المقالات المنشورة : 229
   عدد الأقسام المفتوحة :8


 
 

من الذاكرة

10/2/1427

دعوة لقراءة المقال

نسخة لطباعة المقال


كيف تسرق غرفة في بيتكم ؟


كيف تسرق غرفة في بيتكم ؟

طبعا أمزح معاكم الموضوع ما هو عن السرقة بس ممكن يكون له جانب سرقة بعض الأحيان ..
المهم موضوعي هذا في بالي من مدة انزله لكم

قبل مدة اتصل بي أخوي الى اكبر مني وطلب مني اساعدة في فتح باب
غرفه أخوي الكبير .. لان أخوي الكبير مسافر وقتها وأخوي الثاني محتاج
اغراض من غرفه أخوي فما كان فيه حل الا انه يفتح باب الغرفه لكن كيف ؟

اخوي كان يبغاني اساعدة في كسر قفل الباب .. فلما وصلت عنده
قلت له لا تستعجل أصبر انا اعرف طريقه احسن واحترافيه
بقق عيونه فيني شوي وقالي ليش الاخ حرامي ؟؟؟!! ضحكت وقلت له لالا
بس طريقه بتعجبك اصبر بس .. ورحت وجبت دريل وريشه حفر حديد
وبدات العمل .. في وقتها كان في بالي اصور العمليه لكم بالخطوات
لكن خذلتني الكاميرا الخاصه فيني بان الشحن فاضي فقلت اصوره لكم بعدين بالجوال  ..
يله شرايكم تتعرفون على خطوات هذى العملية

اول شي اذا عندكم غرفه في البيت مقفله يا بزر قفلها يا ضايع مفتاحها المهم
لاي سبب من الاسباب عندي لكم هذا الحل  ...

الاشياء الى نحتاج لها ..
1- دريل حفر .. ولا اعتقد ان فيه بيت يخلو منه
2- ريشه حفر حديد مقاس 6 ملم

نجي للتطبيق ..

اول شي هذا شكل قفل الباب غالبا داخل المنازل
وانا هنا اتكلم عن هذا النوع من الاقفال ..

راح نبدا الحفر في منطقه الوسط الى تكون فيها شفرات التقفيل
مثل ماهو محدد في هذى الصوره تابعو معي ..

اعتقد واضحه المنقطه الان الى راح نحفر فيها بالدريل ..
واهم شي تنتبه انك تكون تحفر في الوسط
والحفر يكون بشكل خفيف .. ولاحظ انك كل ما تعمقت شوي راح تسمع
صوت طقه .. وهذا بيدلل لك على عدد الشفرات الى تخطيتها
في كل مره تسمع الصوت وقف الحفر وابد نظف الفتحه
من برادت الحديد الى بتكون تجمعت داخلها .. استمر الين تكون سمعت 5 طقات

بيصبح الشكل بعد الحفر بهذا الوضع .. تابع الصوره معي

تمام الآن نكون انهينا 95% من العمليه بنجاح
الان جب اي مفتاح عندك مقارب في شكله لمفتاح القفل الاصلي
واقصد مقارب له انه من نفس الفصيله دائري الراس مثلا  .. الى اخره
ودخله في القفل وافتح الباب .. وراح تجده يفتح معك زي الحلاوة
بعدها عاد تقدر تفك القفل وتغيره بواحد ثاني ويعتمد
اذا انت بخيل بتشتري قلب القفل ابو خمسه ريال واذا انت بتدلع نفسك 15 ريال

طبعا تبون تعرفون وش الى صار ؟
انا اقولكم اقلبو قلب القفل بعد مافكيتوه من الباب
وشف وش موجود فيه



هذى الدوائر الصغيره هي عبارة عن الشفرات او الاسنان الى ماتقبل
الا مفتاح الباب الاصلى لفتحه .. واحنا وش سوينا لها ؟.
كسرناها كلها من الداخل  فاي مفتاح صار يفتح لنا الباب

وبكذا انتهى الموضوع
بس هاه عاد مو بكره نلقاكم سارقين غرف ابوكم والا امكم
ترى مالي دخل انا هههههههه

اتمنى يكون الموضوع مفيد لحياتكم المستقبليه بشكل عام
لكم تحياتي

مصدر الموضوع : شخصي



بنت نجد       56


اما مفيد فهو مفيد !!! احيانا تنصك الدنيا بوجهك لا لقيت باب مقفول .. وانت محتاج تدخل .. بس من اليوم وطالع .. بشمر عن يديني .. وانت السبب! اذا ارتاعوا اهلي وقالوا من علمك ذا الحركات .. فاباضطر اعلمهم ههههههههههههه في خاطري سؤال صغير .. من علمك ؟؟ تسلم على هالمواضيع النافعة لاتحرمنا جديدك..


Re: رد على التعليق :

ههههههههههههههه الله يرجك
خلاص من اليوم وطالع الى يهددك ويقول بقفل عليه
قولي له يمممممممممه خوفتني ههههههه
لا مشاكل بعد اليوم مع من الذاكرة
دعاية للسرقه هههههه
بس تكفين مالي دخل لا تقولين اني علمتك
اصلا اصلا منهو من الذاكرة ذا ؟ ماعرفه
ولا قد سمعت فيه اساسا

جحد
ههههههههههههههه

الله يسعدك ولايحرمنا هلحضور الطيب
وفعلا فعلا اتمنى يكون مفيد بشكل من الاشكال


مجهول الهوية       218


دننننننننننننننت داااااااااااااااااهيه


Re: رد على التعليق :

هههههههههه .. تسلم اخوي
شكلك ناوي تسرق احد والا ايه الحكايه
اللهم اني برئ منكم ههههه
ربي يسعدلي هلطله يارب .. لاتحرمنا حضورك


لون المطر       284


مرحبااااااااا
هذه الصفحة محجوبة راجعنا لمعرفت الاسباب
اجل تعلمنا وشلون نفتح البيبان
<<<<<<<<< راحت تتصل على الشرطه تبلغ
ومنكم نستفيد
تحياتي


Re: رد على التعليق :

هههههههههههههه
يانتي حرش الله يكفينا شرك بس
هاه مهوب الحين نجي نلقى كل البيبان مفتحه عندك
والعذر جالسه اجرب ..
خلاص معاد فيها تقفيل بيبان ههههههههه
في عرضك يابيه .. يامعلمه ماتبلغيش عني ارقوكي
يسلموو لون المطر .. طلاتك زي الأمر واللهي
نهايتي بنجلد بسبتك


بنات الحربي       287


سلام عليكم ورحمة الله وبركاتة
والله موضوع حلو ساعات تبغ شيء من غرفة احد أو مفتاح ضايع
مافي حل غير الكسر على طول إذا كان الأمر في غاية الأهمية
أو الأنتظار بس ما أدري هل هذة العملية تنفع كمان مع الأدراج ولا بس البيبان إذا تنفع مع الأدراج
بصراحة راح يكون جاري تنفيذ العملية من قبلي أنا ونورة في غرفة الصغنونة رمووسة وراح أسرق منها
اشياءها وأخليها تحوس عليها هههههههههههه بس لا أحد يخبرها ههههه
ممكن سؤال ؟
التغير تصميم الصفحة الموقع كيف تكون وهل يمكن لنا عملها
من دون علم رمووس لأننا بصراحة نبغ نفاجأها ونغير تصميم موقعها بس ما نعرف الطريقة ياليت تنزل موضوع عن هذا الطلب وتذكر لنا الطريقة
أتمنى أن ما أزعجانك بطلبنا مع الصباح
يعطيك العافية


Re: رد على التعليق :

مرحبا فيكم وعليكم السلام ورحمة الله وبركاته
طبعا هي ماطرحت الا لانها مفيده بالفعل ..
ومايحس بفايدتها الا الى قد حصل له موقف زي كذا
المهم هي ماتنفع مع الادراج لان نظامها مختلف ..
تعتمد على تحريك المزلاج .. الا في بعض الانواع بس
ما اعتقد انها متواجده بكثره الان ..
>> الاخ صاير حرامي خبره اقفال ههههه
بالنسبه للسؤال ..
هو بالامكان طبعا .. لكن يحتاج شغل وخبره في الموضوع
علشان كذا اتوقع فيه صعوبه عليكم حالياً ..
ماهو تقليل في قدراتكم .. طبعا
لكن يحتاج لتصميم ثم تقطيع ثم تجهيز قالب ..
ما اظن انكم مريتو بهذى التجربه فبيكون صعب بس
عموما ممكن نغيره فجاه كذا نخليها تنصدم ..
هههههههه
الله يحييكم


ابوخلف       2604


تسلم اخوي ابي فلوس عند ابوي كلما يخرج يقفل الغرفه وانت ساعتني ابي اخرق القفل ههههههههههههههههه

ابوخلف       2605


تسلم اخوي ابي فلوس عند ابوي كلما يخرج يقفل الغرفه وانت ساعتني ابي اخرق القفل ههههههههههههههههه

انا متشكر هل من جديد       2790


انا متشكر هل من جديد

ابو يزيد       2786


ههههههههههههه حلوه الله يعطيك العافيه

ابو يزيد       2787


ههههههههههههههه تسلم اخوي الله يعطيك العافيه

أبو محمد       2803


موضوع في غاااية الروووعه ومفيد جداً

ام فهد ‏       2815


حلووه الحركه بس أخااف من صوت الدري وش السواة

أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات