مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

حذار ياصديقي من النساء الجميلات : عندما تبدأ (رقتهن) تبدأ (عبوديتنا)


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 370805
   عدد المقالات المنشورة : 229
   عدد الأقسام المفتوحة :8


 
 

من الذاكرة

4/10/1430

دعوة لقراءة المقال

نسخة لطباعة المقال


زيارة قرية ((الحلوة)) بحوطة بنى تميم


كــل عـــام وأنــتـــم بــخـــيــــر


كل عام وأنتم بخير وكل عام وأنتم بألف صحة وسلامة واسال الله عز وجل ان يتقبل منا ومنكم صالح الأعمال في الشهر الفضيل وينعاد عليكم هلعيد أعواماً مديده وانتم بصحة وعافية.
الصراحة هلعيد كان بدايته حزينه جداً لدرجة الاحباط وفجأة أنقلب إلى أجمل الأوقات , وكان ثاني أيام العياد لي خمة من أخوكم من الذاكرة كلعادة طنت في راسي ياولد وراك ماتخطف رجلك منا ولا منا وطاح أختياري على ((الحوطة)) قلت ليش ماروح أشوف الحوطة وش فيها وش عندهم ؟ طبعا بالتحديد هي منطقة الحلوه وهي بعد ماتعدي تفتيش مدخل الحوطه تفرق على يدك اليمين مع المخرج وتمشي حوالي خمسة كيلو متر ,, الا وانت تطب في الحلوة طبعا انا مالي دخل في المباني والعمران المسلح هدفي من الشطحه اني ازور المزارع والبيوت القديمة واوسع صدري حقيقة حسيت بحنين > الى يسمعني يقول عمره سبعين ,, لكن فعلا والله تشعر بحنين للماضي بشكل عام لكن للاسف كان فيه مجموعة بسيطة من البيوت الطين هي المحافظ عليها والمتبقي منها متهدم واكل عليه الزمان وتشوف حضاره كانت وذهبت ...

طبعا تعرفون  البثاره لازم نصور الرحلة علشان نوثقها لكم ويطلع هلموضوع وبصراحة الموضوع مافيه اي فكرة سوى بعض صور يمكن تذكركم بشيء ما وانتم تتفرجون عليها ويمكن ينتابكم شعور الحنين للماضي الجميل ,, حقيقة الصور ليست بجوده عالي هي من كاميرا الجوال الخاص بي وان كانت مناسبه جدا للعرض الا انها ليست بطريقة احترافيه,, على قولتهم الجود من الموجود وش نسوي عاد ..

ونبدا معاكم بصوره وحنا مقبلين على الحلوه والشمس بنص الشارع يعني تاكل عيونك اكل

والصورة الثانية لاحد الحيطان > المزارع القديمة وكنت اتلقف واحاول اتمشى بينها وانا امشي احس اني حرامي اكتشفت انهم ملاقيييف من انت ولده وش عندك فيذااا هههه

والصورة الثالثة لاحد البيوت المنهدمة

سبحان الله كيف كانت نفوس السابقين ومن هم يعايشوننا الان مازال بعض من كان يسكن في مثل هذه المنازل يعيشون بيننا كيف كانت مساحات هذى البيوت تسع لعدد من العوائل تحت سقف واحد والان نحن في بيوت بمساحات تساوي عشرات البيوت كهذه الا اننا نرى انها ضيقه وصغيره ,, هل الضيق الذي نشعر به الان هو ضيق في الانفس ؟  لا اعلم حقيقة

صراحه مايمديكم على الباب بعض الناس الى اعرفهم والله لو يمش خشمه ماقدر يمر مع ذا الباب ههههههه اللهم ياكافي بس الصراحه وهـ ياحبي له

هذى الصورة لبيوت منهدمة ايضا وكانها تقول كانو هنا يعيشون في داخلي كيف نتبرا منها فجاه لا اعلم رغم انها بيوت حقيقه جميله للعيش ومريحه جدا لكن حنا ندور على الشقاء سبحان الله العظيم

ياقلبيه بس وينك يالي في بالي تشوف الى اشوفه تشوفون الى في النص بين البيتين الطيب يوضح لكم سور وكانو ساكنين فيه ناس ووراهم المقبره ,, ودي اشوف بعض الناس لو ذا بيتهم بينامون ولا لا هههههه افلقني ياشششيخ

تتعجب حقيقة من طريقة البناء وكيف صمدت من ذاك الوقت الى هذا الوقت رغم انها بدائيه جدا

لا تزال بعضها صامد حتى الان منظر جميل والله جميل

ابقولكم علي شي في الصورة الجايه حاولو تلاحظونه شوفو لون الزرع الاخضر مع لون الطين ماتحسون انه مريح للنفس ؟! سبحان الله وقفت عندها كثير اطالع فيها صحيح ان نص البيت مهدوم بس احس براحه وانا اطالع فيها وقتها.

وهذى صورة لسقوف البيوت مو عيال اليوم جبس وديكورات مافيه الا خشب وعسف نخل طال عمركم ههههه

وانت تشوف هلبيت من بعيد كذا وتحول عيونك شوي علشان تشوش الصورة تحس انه تعتيق مكسيكي وكان الموضه ترجع لوراء بس مع شوي تطور وذوق

عاد هلصورة يقالك اني متفنن فيها ههههه

تخيلو ان اهل القرية في السابق كانو يصعدون هذى الجبال علشان يوصولون للمدرسة الابتدائيه في الطرف الاخر كانو يصعدونها الصغار ليصلون لمدراسهم علشان يختصرون الطريق بدل من الدوران حول الجبل يشقونه ههههه تحس انهم قشران ولا ؟؟ كذا قرعان وفيهم فلقات بروسهم هههه

 

بس انتهى الموضوع لحد هنا
ولكم مني اطيب تحيه وكل عام وانتم بخير ,,,

 

مصدر الموضوع : شخصي



خــالة إكــليــل@       2623


سبحـان الله كيف كانت بيوتهم جمعت بين جمالين الخارجي وجمال أرواحهم ليس مثل هذا الوقت جمال خارجي فقط دائماً أحمد الله إني عاصرت جزء بسيط من ذالك الزمن الجميل وأرحم هذا الجيل فهم لا يشعرون بإي نكهة في هذة الحياة يعطيك العافية على هذة المناظر الحلوة كل عام وانتم بخير


Re: رد على التعليق :

أهلا وسهلا بخالة إكليل
حيا الله من جانا وكل عام وانتي بخير وينعاد عليك يارب
وفعلا كما ذكرتي حياة صراحة جميلة وهادئه بسيطة في نفس الوقت وبساطتها تنبع من طهر الانفس ,, قابلت بعض السكان وكانت قلوبهم واضح عليها الطهر والاستمتاع بالحياة ,, يمكن يزعجهم قله المادة والدخل ولكن هنيالهم والله ,, اين تجد قلوب طاهره هذه الايام ...
شاكر لك مرورك العطر ..


بنت نجد       2624


ماأتخيل اني بروح للحوطة ابد حلو نقلتنا لها الصور اللي حطيتها بعضها حلو تحسه مودرن وبعضها تحس بوحشه كنه بيوت جن بسم الله ودي اعرف وش الحكمة الاولين يحطون بيوتهم تحت ازرق مدهون بلمعة واللي فوق مطفي ؟ هين اللمعة عشان مايمديك تشخبط لكن ازرق ليه مع ان اثاثهم كله احمر بعدين من قال لك ان الدبيين يمرون من الباب بالوجه ؟ يعطونه التفاتة يمين ودخلة جانبية ومايمنع ينزلون روسهم اذا كانوا طوال اما بالنسبة للنحاف عاد انتتقدر تشرح لنا كيف يدخلون ياحبي لهم الحوطة يروحون للمدرسة ورا جبل ؟ يسمعون بالمشقة في طلب العلم ياخي قربوها عندكم وارتاحوا بشويش ياالجامعة الامريكية راس مالها مدرسة شينة بعد هههههههه من الذاكرة وش هالزين ؟ نبي مواضيع منك زي كذا كل يوم شسمه زر ديرتكم وصورها الا وش ديرتكم ؟ تحياتي لك ولاتقاطع


Re: رد على التعليق :

بنت نجد .. الله حيهم الله حيهم تفضلو تفضلو كانو يقولون كذه الحواطى هناك
صراحه صغيره وحلوه بناسها وكانت مرور على الطاير واما سالفه الباب ايه هين مايمدي ابد ابد لا تحاول تقنعني بس ههههه عاد اللون الازرق له خصائص طبعا بعد مابحثت عنه لقيت له مزايا (بارد وصافي وحاسم وهادئ وروحي ورمزيته يرمز الى الاخلاص والامل والصفاء والنبل ) يعني الاولين مهوب سهلين > ايه هين تلقى المورد مايجيب الا هو وش يسوون الضعوف ههههههه اما سالفه المدرسة من جد ضحكت عليهم مسوين فيها شقا من جد ابو العلم ابو طلبه الى برقى جبل كل يوم علشان اوصل للمدرسة قال وين اذنك ياجحا قال مناك ههههه

بنت نجد مرورك اسعدني وزاد خربشاتي شرفاً
الف شكر


البراق       2632


حوطة بني تميم ام المناظر الخلابه ببيوتها ونخيلها يكفي بس ان اسوارها جبال مو جدران وهاذي من اجمل المناظر التي فيها مع تحياتي

المشاري       2636


والله إنه حلوه وأن من الحلوةههههههههههه وأن من عائلة ال مشاري

88

بنت الرباعي       2637


انا كل عطله يا بنت نجد في بيوت الجن ههههههههههههه ياعمري والله روووعه بس جربي زورينا والله يمكن ماعاد تروحين

بنت الرباعي       2638


هلا بنت نجد الله يحيك والله ياعمري لو تزورينها تعجبك انا عايشه في بيوت الجن ههههههههه على كلامك ولين اليوم والاهل في البيت موجودين وفي المنطقه ذي بذات لكن في العطله تجي بعض العوائل اللى ساكنين فيها ولكن في الوقت الحالي لايوجد الا 3 عوائل في المكان هذا او الحي لكنه قمت الروعه يكفيك ريحت الا ثل وطين جدرانها ياجعلني فدوة لها

بنت الحوطي       2640


هاي صباياكيفكم مشكورعلى صور رائئئئئئئئئئعة والله يعطيك العافيه

بنت الحز       2641


وهـ تجنن ديرتنا

يعطيكم العافيه

بنت حوطيه       2782


انا ماعرفت الحلوة اللي بالحوطه والا ايش

yuee506@hotmil.com

بنت حوطيه       2781


انا ماعرفت الحلوة اللي بالحوطه والا ايش

yuee506@hotmil.com

بنت حوطيه       2780


انا ماعرفت الحلوة اللي بالحوطه والا ايش

yuee506@hotmil.com

بنت حوطيه       2779


انا ماعرفت الحلوة اللي بالحوطه والا ايش

yuee506@hotmil.com

الشمالي       2788


انا مدرس جديد فيها تم تعييني في هالقريه ومن الصور مستبشر خير انشالله فيها وفي اهلها لاني ساكن بمحافظه مقاربه للوضع هذا شكل ابي انعم هناك يالبيييه

بنت حوطيه       2778


انا ماعرفت الحلوة اللي بالحوطه والا ايش

yuee506@hotmil.com

دلال       2797


حياك الله ياالمشاري ويالبى قلب الحلوة انا منها بس اتواجدبالخرج بحكم ظروف الاهل ومشاغل الدنيا

دلال       2798


حياك الله ياالمشاري ويالبى قلب الحلوة انا منها بس اتواجدبالخرج بحكم ظروف الاهل ومشاغل الدنيا

يشوووووووووو       2799


يالبــــــــى الحوطه

فــتــى تــمــيــم       2804


والله انا من سكان الرياض بس ازور ديرتي كل عطلة واروح عند هالمزارع واشم الهواء الي مافيه جراثيم ولا كربون سيارات مثل الرياض ويالبيه بس ديرة تفتح النفس والي يبي يزورها يعلمني عشان نستضيفه ونوديه الاماكن التراثيه صح ولا الي بالصوره اشياء عاديه جدا ما صور تراثنا كله واكيد الخافي اعظم

shaimaa almshary       2806


ااااااااااااااالله من هنا اصلي :) ... شكرا انكم سويتوا هذا الموضوع لاني ماقدر رحت لا لسدير ولا الحلوة ولا قد شفتها

miss_shyomh@windowslive.com

shaimaa almshary       2807


ااااااااااااااالله من هنا اصلي :) ... شكرا انكم سويتوا هذا الموضوع لاني ماقدر رحت لا لسدير ولا الحلوة ولا قد شفتها

miss_shyomh@windowslive.com

الشمراني       2858


ونعم فيكم وفيهم

miss_shyomh@windowslive.com

أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات