مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

أن تكون مطلوبا بارتكاب جريمة ، خير لك من ان لاتكون مطلوباً مطلقاً


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 368038
   عدد المقالات المنشورة : 229
   عدد الأقسام المفتوحة :8


 
 

من الذاكرة

4/10/1428

دعوة لقراءة المقال

نسخة لطباعة المقال


قال ايش قال ماجستير


-

والله ما ادري انا جامعاتنا تستهبل والا يعني تستهبل, يعني بالله الواحد يخلص جامعه ومسوي نفسه طموح ويبي يدرس ماجستير ويتفاجأ بان الدراسة هي هي , صحيح فيه ناس من الى معانا منصدمين بالحضاره ولا الومهم يمكن لان خطه القسم الى تخرجو منه كانت ضعيفه فما يعرفون, لكن مشكلتي انا يوم اني متخرج من نفس الجامعة اجي والقى نفس المنهج بس باسم ثاني , والقى دكتور والله العظيم مايدري وين الغنم سارحه ويخلونه يدرس مرحله عليا من التعليم مادري ورانا نحب مبدا صبه حقنه حنا في كل شي ..

ليش نحب نعيد ونزيد في الشي الف مره ومره , الا ان كانت النظريه المطبقه التكرار يعلم الحمار "تكرمون" صراحه شي مؤسف ومحبط جداً ماراح نقول اننا ماراح نطلع بفائده لا طبعا , لكن ودك يكون فيه فكر شوي بمساله التعليم ويكون حق من حقوق المواطن وخاصه لما يكون تعليم عالي, انا في اعتقادي كل ماكان الشعب متعلم كل ماكان هلشي في مصلحه البلد, حتى وان كان فيه نوع من البطاله على الاقل يكون فيه نوع من تفتح الاذهان الناس وبتكون واعيه وقادره انها تسهم بشكل فردي لو على مستوى انفسهم في رقي البلد.

وبيني وبينكم انصدمت من الطلاب الموجودين , كل ماسولفت مع واحد  وش هدفك من الماجستير قالي ابي تريقه والثاني يبي وظيفه وبس وهذا همك هذا اقصى ما توصل اليه العلم في عقولهم , يعني اذا ماكان الهدف العلم نفسه بهدف انك تخدم نفسك ومجتمعك فيه وش الفايده الوظيفه دور جعل رجولك الكسر وبتلقى, يعني حتى العلم بنخلي الهدف منه مادي ... في مقوله يقولونها الاخوان المصريين البكالوريس ده بتاع المعاش .. ويقصدون فيه انك تحصل منه لقمه عيش ووظيفه تمشي امورك فيها .. طيب مع اني اختلف مع هلكلام لكن بنقول ميخالف لكن عقب البكالوريس تجي وتضيع سنين من عمرك علشان وظيفه ولو يحسبها صح نفس السنين الى بيجلسها في مكانه وسنين الدراسة بتعطيه نفس الترقيه ويمكن اقل.

والى فعلا ضحكت عليه لما جيت للطلاب والطالبات وقلت لهم وش رايكم نغير مسار التخصص وانا متكفل اني اقنع القسم شاشو وانهبلو شلون ليششششششش ... قلت بس وخر عنهم الجماعه عندهم علم .. وبعد النقاش صارو مايدرون اصلا وش طبيعه المسارين المتاحه ولا كل واحد وش يؤهل له ... قسم بالله شي مضحك مبكي ... وصارت وجهه نظرهم ان الجامعه ماحددت هذا المسار الا انها ابخص .. قلت الله يرحم الحال بس والله الجامعه مادرت عنكم ولا عن سوق العمل .. وهلكلام من داخل الجامعه جايبه ماجبت شي من عندي ... كل المساله ان الدفعتين السابقتين لنا كانت بمسار واحد قالو نغير يعني افترضو ان فيه تشبع ... ههههههه ياحبي لهم ربعنا على يطبقون مبدا  ماشيه على البركه.

انا هنا ما اكتب لاني ابي انتقد للانتقاد نفسه .. بس يحز بالخاطر
ان طلاب دراسات عليا عندهم هذا الجهل وكانهم مازالو طلاب مرحله ثانويه
الله يعين على الجاي بس ... وشكل الدعوة فيها سحبه ههههه

دعواتكم لي لاني على جريف هروب ... لكن مصبرني اني مهدد بالقتل
لو اطلع والا اسوي شي كذه والا كذه .. حكم القوي عاد ابو كرش"مؤقتا"
ههههه

لاتهتمون مجرد شخابيط
على ورق ابيض

مصدر الموضوع : شخصي



جمانه       2422


ربنا يعينك شحت الهمم ضروري أخي

بنت نجد       1482


توك ببداية الطريق وان شاء الله بتشوف شي أفضل
والماجستير فيك فيك دمك مسكت الطريق بتكمله طال عمرك


Re: رد على التعليق :

الله يمسيك بالخير ..
ربك يسهل ان شاء الله هي عاد فيك فيك تخوف
هذا بلا ابوك ياعقاب


لين       1545


انا قرأت ماكتبت وكمبدأ من الجميل الرقي وتنمية الذات
ومادراسة الماجستير الا طريقة لذالك
ورغم اني مادري ايش هو المسار الي انتم فيه او ماذا تدرسون للحصول على الماجستير او هل يمكنكم تغييير هذه المواد او لا
لكن استمر لان العمر لن يقف ولا العلم يقف ومن لايتقدم سيتأخر
وانا ان شاء الله افكر ايضا في الماجستير مستقبلا ان شاء الله
وكذالك الدكتوراه اتمنى اني اخذها في مجال اللغة العربية
والآن انتظر الموافقة تجي حتى اكمل
وفقك الله

حكم البشر       1827


عادي ندرس نفس المناهج وعسى يفيد فينا والا اتحدى لو كنا نطبق نص الكلام الي ندرسه خلها ع ربك والله يصلجنا


Re: رد على التعليق :

اسمحي لي اختلف معك ياوخيه في وجهة نظرك هذى .. لان التكرار غير مفيد .. ومانطلع بفائده كان نتخرج ويعطونا شهادتين مع بعض بكالوريس وماستر مره وحده وخلاص ... الى ابي اقوله تعقيب على اننا مانطبق نص الى ندرسه .. اساسا مايؤخذ مجرد كلام نظري انت تترجمه لواقع .. هل كل مايدرس اساساً يصلح للتطبيق ؟ هذى نقطه مهمه جداً ..


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات