مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

هناك عدة طرق لمقاومة الإغراء والطريقة المثلى أن تكون جباناً


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 362272
   عدد المقالات المنشورة : 229
   عدد الأقسام المفتوحة :8


 
 

من الذاكرة

13/4/1428

دعوة لقراءة المقال

نسخة لطباعة المقال


يوم حافل مع المكيف


-

السلام عليكم ورحمة الله وبركاته  ..
بما اني ماكتبت من زمان .. بكتب لكم عن حرب الفروله مع مكيفي
تعرفون أول واكبر عيوب مكيفات السبيلت هو ان المجرى حق تصريف الموية ينسد بالاتربه مع الوقت .. طبعا اذا انسد وش يصير ؟؟
سوي لك فلم داخل المكان يصير مغير يصبصب مويه من كل جهه
ماتدري من وين تلحق عليه .. تلقى المكيف الواحد تحته كاسات وسحله وسطول
وفي كل مكان شي محطوط وغظار على قوله بعض الناس ههههه يازينهم بس
عادة الواحد لاصار معه كذه قال يووه لازم اجيب فني يسوي له صيانه واليمنه جاء يدنفس فيه شوي ثم يقول خلصت .. وش خلصت طيب وش سويت .. ماتدري .. اما عاد بدري عليك والله  انشب لامك واشوف وش تسوي .. طلع الموضوع تافه ومن وقتها وانا اتعبث في المكيف كل ماسوى هذى الحركه ..
عاد البارحه عقب ذا الجو الرائع الفتره الى راحت مهوب انسد المجرئ الا انخنق صار كل المويه تنزل علي .. قلت بس مابدهاش خلصت اشغالي ورجعت البيت وخذت السلم وهيا  ... فككت المسامير والوجه حق المكيف الخارجي وجينا للمصيبه الحين .. كله حديد وابي افصل الكهرب بس مالي خلق وهو عاده يجي زي الكلبس يركب في بعضهم فصلت اثنين منهم وخليت اثنين .. وفكيت القطع الداخلية الى تحمل الريش والمجرى وفصلتها من خرطوش تصريف المويه .. وجلست انظف فيه .. وارجعه بشكل مؤقت كذه واسوي تجربه اصب فيه مويه ماش مهوب تمام المويه ماتتصرف وش الحل الحين .. واروح اجيب مويه حاره واصبها في الخرطوش وهه كنه بدا يسوروب .. عاد بذكائي الخارق هههههه عرفت ان الانسداد صاير في داخل الخرطوش .. احاول اسلكه ماش عيا .. قلت يله صب فيه بس زياده مويه وعطه شوي نفخه هواء بفمك .. وميه ميه فعلا تصرفت المويه بشكل سريع .. وجربت مره ثانيه وطلع الوضع تمام راد الانسداد منه .. وصارت الامور تمام التمام .. عاد نظفت باقي القطع .. ومتجهز اني اطلع على السلم ارجعها .. الا يدخل علي الوالد .. وش تحوس انت ؟؟ وششش تزين لاتخربه يامهبول .. قلت وش اخرب صلحته .. قالي وش عرفك فيه يومك بتصلحه .. قلت ماعليك اعرف هههههههه .. قالي انزل لاينفضك الكهرب ونبلش بك وراك مافصلته من الكهرب طيب .. قلت مالي خلق افصله .. قال ايه لا نفضك عرفت وش الخلق .. لاتلعب كان جبت له فني يسويه لك .. قلت اصبر وشف بس .. يوم خلصت وركبته وشغلته وشافه .. قلت هاه ؟ اذا بغيت اسوي اي مكيف في البيت ترى ماعندي مانع .. قالي اجل تعال شف مكيف غرفه امك .. قلت يدك على خمسين يالحبيب ههههههه .. طبعا مايحتاج اقول انه قالي اقطع واخس بس ههههههه

صراحه انا ماخفيكم اني الفني غالبا يجي ويسوي صيانه دوريه له ..
ولكن هي للقافه والمعرفه بالشي .. وصراحه رغم انه ماهو بخل بقدر ماهو المعرفه بالشي .. وصراحه احيان تحس انه ينلعب عليك ليه ياخذ ميه وميه وخمسين علشان بس يفك المكيف ويمسحه وينفخ فيه ويقول سوى صيانه .. وراه مانتعلم نسوي امورنا .. ليش دايم نحب نعتمد على الأجانب بكل شي ..
وماهي مشكله لو جبنا .. بس على الاقل نكون نعرف وش هو جالس يسوي حتى نعرف نقيم كيف يستاهل الموضوع من مبالغ ...

لكم تحياتي يا غالين ..
والسموحه على الانقطاع

 

مصدر الموضوع : شخصي



بدر       485


من زمااااان عنك
من طول الغيبات جاب المكيفات
اجل (وفي كل مكان غظار على قوله بعض الناس )
يغ يغ يغ يغ
---------
(قالي اجل تعال شف حق امك .. قلت يدك على خمسين يالحبيب ههههههه .. طبعا مايحتاج اقول انه قالي اقطع واخس بس )
لاتعلييييييق ماقدر اعلق
<< ميت ضحك


Re: رد على التعليق :

يالدب استح على وجهك هههههههههه
عدلناه ههههههه


العميد الاتحادي       486


يعطيك العافية


Re: رد على التعليق :

الله يعافيك يابعدي


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات